文／徐俊文，桃園新屋社子人（政大民族系做越南客人研究个碩士生，這滿在臺北讀書）
上隻禮拜五，應該係臺北轉冷以來第冷个一日。該日暗晡，𠊎兜人為了想愛鬧熱一下仔，就在學校肚舉辦了一隻斯分自家社團个人參加个聖誕party。雖然來个學生大體係基督徒，毋過𠊎一個擎香拜神个客人坐在該乜毋會試著忒奇怪。摎𠊎共樣坐在旁脣个，還有一個來臺灣讀碩士班个米國人Jack。佢一儕人恬恬仔坐在壁角个凳頭頂，自家斯看等佢巴掌肚揢等个該杯燒紅酒。毋識講麼个華語个佢，就恁樣看等𠊎兜人一頭唱、一頭跳慶祝這隻來自厥家鄉个節日。
𠊎問Jack講：「Is this your first time celebrating Christmas abroad？」（這敢係你第一擺在外國過聖誕節？）
Jack應講：「係啊。」（當然佢還係用華語來應𠊎，𠊎還無恁該做得分外國人直接用客語回答。）
看等Jack該下，分𠊎想著𠊎頭擺還在越南个該年，乜差毋多係這隻時節，第一輪在外國過節，毋過該當時過个毋係聖誕節，係冬節。
該年年下，到越南去無轉臺灣差毋多乜會有半年了，看等單淨在臺灣用得著个Line裡肚，緊跳出來大自家个通知，講冬節會到了，愛準備煮粄圓个消息。毋過，在越南除了𠊎族、山瑤族等這兜來自廣東个少數民族之外，無過冬節个風俗。所以𠊎就自家去市場買兩斤糯米粉轉學寮，攎啊起衫袖仔，燒等滾水，就挼起粄圓來。戴在隔壁間个係兩個廣西來个交換生，本旦想講做得兜一兜仔摝薑嫲糖水个甜粄圓摎佢兜分享，吂曾想著講佢兩儕係壯族人，在廣西嗄無恁樣个習慣。背尾大約半鑊甜粄圓全係𠊎自家摎佢咈忒个，該日𠊎个肚屎正經會撐到人喊毋敢。毋過你講恁樣个經驗會算毋好个經驗無？𠊎試著無定無著。可能斯愛出國過節一擺看啊，正會知過年過節團圓个難得，乜正會有恁特別、好閼又好笑个過節經驗。
看等第一年來到臺灣个Jack，𠊎擎起放等𠊎兜在漢藥房買來个八角子等香料个燒紅酒，伸到佢个面前。
「Cheers，佳節快樂。試感覺看下啊，在臺灣無共樣个Christmas！」
華語
上禮拜五，應該是臺北變冷以來最冷的一天了。那天晚上，我們為了想要鬧熱一下，就在學校裡舉辦了個只給社團自己人參加的聖誕party。雖然來的學生大部分都是基督徒，不過我一個拿香拜拜的客家人坐在那裏也不會說是很奇怪。和我一樣坐在旁邊的，還有一個來臺灣讀碩士班的美國人Jack。他一個人靜靜地坐在牆邊的板凳上，自己看著他手心中緊握的那杯熱紅酒。不怎麼會說華語的他，就這樣看等我們一邊唱、一邊跳地慶祝這個來自他家鄉的節日。
我問Jack說：「Is this your first time celebrating Christmas abroad？」（這是你第一次在外國過聖誕節？）
Jack回我說：「是啊。」（當然他是用華語回應我，我還沒那麼厲害可以讓外國人直接用客語回我。）
看著Jack的當下，讓我想到我之前還在越南的那年，也差不多是這的時節，第一次在外國過節，不過那時過的不是聖誕節，是冬至。
那年年底，到越南去沒回來臺灣差不多也有半年了，看著只在臺灣用得到的Line，一直跳出來大家通知來、通知去，話說冬至快到了，要準備煮湯圓的消息。不過，在越南除了𠊎族、山瑤族等這些來自廣東的少數民族之外，都沒有過冬至的習俗。所以我就自己跑到市場買了兩斤的糯米粉回宿舍，捲起袖子，自己燒滾水，就搓起湯圓來。住在隔壁的是兩個廣西來的交換生，本來想說可以端些泡薑汁糖水的甜湯圓和他們分享，沒想到他們倆個是壯族，在廣西時沒有這樣的習慣。最後大概半鍋甜湯圓全都是我自己吃光的，那天真的是讓我的肚子會撐到不行。不過你說這樣的經驗算是壞經驗嗎？我倒覺得不一定。可能就是要出國過一次節看看，才會知道過年過節團圓的難得，也才會有那麼特別，讓人哭笑不得的過節經驗。
看著第一年來到臺灣的Jack，我舉起放著我們在中藥房買來的八角子等香料的熱紅酒，伸到他的面前。
「Cheers，佳節快樂。試著感覺看一下，在臺灣不一樣的Christmas！」
