【寫客文】竹東惠昌宮个㧡飯

文／趙叔，文史工作者、社區工作者、客家音樂樂評人，竹東饒平底客家人，這下戴竹東

惠昌宮係竹東地區个信仰中心，主要係服祀三山國王，在清嘉慶15年（1810年）个時節，「金惠成」懇號為了保佑庄頭鄉親个安全，還有在竹東開墾順序，從廣東省潮州揭揚縣霖田都迎三山國王駕臨，下後開始變做竹東个信仰中心。廟裡背肚有服祀三山國王、三界爺、媽祖娘、恩主公、孚佑帝君、註生娘、三寶佛、如來佛祖、地藏菩薩、至聖先師、伯公、義民爺等。

該當時大家全部喊這間廟安到「國王宮」。廟項到今還有淡水同知李慎彝題字「植良鋤莠」个牌匾。到1922年該下，廟項又過整理，該當時摎「國王宮」改名安到「惠昌宮」，係「惠民昌茂」个意思。

這擺來參加東林鄰舍駐地工作站主辦个惠昌宮文史紹介活動，由惠昌宮个導覽人員林保善先生紹介，佢紹介了惠昌宮个歷史、牌樓，還過彭屋人摎惠昌宮个關係。說明戲臺个福祿壽三仙摎彩繪，看了廟門个門神摎龍楯，行到廟裡肚，看了蜘蛛結網還有廟項拜个神明。

林先生講：「亻恩惠昌宮有三个東西當多，第一係石獅仔多，第二係楯仔多，第三係神明多。」

林先生還渡𠊎兜儕行到二樓外背，看廟項个剪黏。

林先生講：「惠昌宮還有一隻特色，係近近仔斯做得看著剪黏。這兜剪黏係老師傅用缶仔、玻璃做个，這下緊來緊少人會做，壞忒愛尋人整乜當難。」結束紹介過後，還看著惠昌宮个㧡飯。

這俗係因為拜義民爺个關係，輪著九芎林聯庄該下，請義民爺个令旗來到廟肚，在義民祭典這段時間，戴這附近个人，愛輪流㧡飯分義民爺。後來這種傳統，分惠昌宮留下來，平常時節逐日有㧡飯，斯初一、十五摎過年个時節無。係這附近个幾隻里，逐隻鄰个人來輪流。

下晝頭兩點个時節，惠昌宮開始敲鐘打鼓，做了十過年總幹事个古秉凡先生，行到三山國王神像頭前，拿等疏文唸分神明聽，開始請神。該當時，輪著㧡飯个信徒，乜雙手合十站在後背。等到總幹事唸了疏文，佢斯拿去香爐燒忒，恁樣請神斯完成了。

這下大家坐下來等神明來吃這兜東西，有人係自家煮，乜有人係直接去外背个餐廳買過來。大自家坐等打嘴鼓，有人講：「頭擺有人正經用擔竿㧡等，行路過來，毋過這下當少看著了。」

差毋多到兩點四十分个時節，總幹事會再過來向神明稟告，恁樣㧡飯斯結束了，大自家做得過來收㧡過來个飯轉屋家。

華語翻譯

惠昌宮是竹東地區的信仰中心，祭祀的神明為三山國王，在清嘉慶15年（1810年）時，「金惠成」懇號為了保佑庄頭鄉親的安全，還有在竹東的開墾能夠順利，從廣東省潮州揭揚縣霖田都迎請三山國王，之後逐漸變成竹東的信仰中心。廟裡面所祭祀的神明，有三山國王、三官大帝、天上聖母、關聖帝君、孚佑帝君、註生娘娘、三寶佛、釋迦如來、地藏菩薩、至聖先師、福德正神、義民爺等。

當時大家稱這間廟宇為「國王宮」。廟內至今還有淡水同知李慎彝所題的「植良鋤莠」牌匾。到1922年時進行整建，當時將「國王廟」改名為「惠昌宮」，係採「惠民昌茂」之意。

這次來參加東林鄰社駐地工作站主辦的惠昌宮文史導覽活動，由惠昌宮導覽人員林保善老師進行介紹，他介紹了惠昌宮的歷史、牌樓、彭家人與惠昌宮的關係。說明了戲臺的福祿壽三仙與彩繪，看了廟門的門神與蟒柱，走到廟內又看了藻井與諸位神明。

林先生說：「我們惠昌宮有三的東西非常多，第一是石獅子多，第二是柱子多，第三是神明多。」

林先生還帶我們走到二樓外面，看廟宇的剪黏。

林先生指出：「惠昌宮還有一個特色，近距離就看的到剪黏。這些剪黏是老師傅用瓷片、玻璃做的，這下越來越少人會做，壞了要找人修理也不容易。」導覽結束後，還看到惠昌宮的奉飯。

這個習俗是因為義民祭典的關係，當輪值到九芎林聯庄的時候，請義民爺的令旗來到廟裡面，在祭典的這段時間，住這附近的人，將會輪流進行奉飯。後來惠昌宮將這種習俗留了下來，平常時都有奉飯，只有初一、十五與過年期間暫停。奉飯的人，係由這附近幾個里當中，每個鄰的人來輪流。

下午兩點時，惠昌宮開始敲鐘打鼓，已經做了十過年的總幹事古秉凡先生，走到三山國王神像面前，拿著疏文唸給神明聽，開始請神。當時輪到奉飯的信徒，也雙手合十站在後面。等總幹事唸完疏文，便拿到香爐燒化，這樣請神就完成了。

這時大家便坐下來等神明來吃，有的人是自家煮的，也有人直接去外面的餐廳買來。大家坐著打聊天，有人說：「以前真的有人挑著扁擔，走路過來，不過現在已經很少看到了。」

差不多到兩點四十分的時候，總幹事會再過來向神明稟告，這樣奉飯就結束了，大家便收拾帶來的飯菜回家去。