文／黃筱婷 國小教師、竹東人、戴竹東
腔頭：海陸腔
近來竹東天氣無好，逐日緊發風落水，大自家心情毋好，透日唉唉唧唧；難得今晡日天晴，亻厓乜堵堵好放尞，打算去外背行行尞尞來輕鬆一下。
亻厓駛車仔來到一棟盡有名个建築，佢个名仔安到「摘星山莊」，傳說臺灣有十棟盡靚个屋仔，這隻別莊就係裡肚等靚个伙房屋；別莊个面頭前係一個當大个禾埕，頭擺禾黃个時節，屋下人都會拚淨禾埕來晒穀，有成時討心臼个時節乜會在禾埕請人來辦桌；毋過這係頭過个社會，今這下早就看毋著了，想想實在盡可惜。
伙房屋脣禾埕面頭前還有一隻陂塘，有盡多隻鴨仔在陂塘肚泅水，一方面係因為鴨仔个呱呱聲做得預防賊仔偷走重要个東西，另外一方面係蛇哥盡驚鴨仔个屎；想到這位，亻厓當佩服頭擺人个智慧。
東南方向个門樓，原本係摘星山莊原來个門口，脣項个篆字係用盡高溫煉成个交趾陶，係從泉州來到鹿港發展个師傅創作个；隔壁个門頂背做得看著深青色个「摘星山莊」交趾陶；門樓內肚還有保存做得行往上个樓梯，狹擳擳个樓梯蹶上蹶下當辛苦，無堵好還會跌下來。
摘星山莊建造九年正落成，別莊內部个材料部分係經由福建運送來个，別莊係光景當靚个伙房屋，橫屋摎橫屋還有門做得通過，平常大自家做得過家坐尞，這係當湛个設計。
摘星山莊用交趾陶整到當靚，在這位个交趾陶主要有五個種類：翡翠綠色、玉石青色、胭脂紅色、象牙白色還過蜂糖黃色，這兜色目盡多个交趾陶做得講係摘星山莊當重要也盡厲害个藝術品；亻厓看著滿心歡喜，亻厓俚臺灣有恁樣傳統華麗个建築，做得講係老百姓个福氣。
亻厓大約五點該下離開摘星山莊，該當時金金个夕照照映在別莊，優美个光景分亻厓心情快樂，實在毋盼得摎佢分離。
臺灣有盡多个傳統建築，亻厓誠心誠意希望所有人愛好好保護這兜古蹟，分後代子孫有機會欣賞這兜有歷史價值个文化財產。
華語：
《風景美麗的摘星山莊》
最近竹東天氣不太好，每天一直颳風下雨，大家的心情都不好，整天唉呀呀直嘆氣；難得今天放晴，我也剛好放假，打算來去外面走走看看輕鬆一下。
我開車來到一幢非常有名的建築物，它的名字叫做「摘星山莊」，傳說臺灣有十幢非常漂亮的民宅，這個莊園就是其中最為漂亮的四合院；莊園的前面是一個相當大的曬穀場，從前稻子成熟轉黃的時候，家裡人都會把晒穀場整理乾淨準備曬穀用，有時娶媳婦的時候也會在曬穀場辦桌宴客；不過這是從前的社會現象，現在早就看不到過去的場景了，想起來實在是非常可惜。
四合院曬穀場的前面還有一個水塘，有許多隻鴨子在水塘裡泅水，一方面是因為鴨子的呱呱叫聲可以預防竊賊偷走重要的物品，另外一方面是蛇類會害怕鴨子的排泄物；想到這裡，我便相當佩服古早人的智慧。
位在東南方向的門樓，原本是摘星山莊原來的門口，旁邊的篆體字是用高溫燒製而成的交趾陶，是由泉州來到鹿港發展的匠師所創作的，隔壁的門口上方可以看到深藍色的「摘星山莊」交趾陶；門樓裡面還保存有可以往樓上走的樓梯，要攀爬狹窄的樓梯非常辛苦，一不小心可能還會跌下來。
摘星山莊一共建造了九年的時間，莊園內的材料大部分都是由福建所運送來的，莊園是座非常美麗的四合院，護龍之間還有門可以通過，平常大家可以坐下來閒聊休息一番，這是非常良好的設計。
摘星山莊到處都使用美麗的交趾陶作為裝飾，在這裡的交趾陶主要有五種：翡翠綠、寶石藍、胭脂紅、象牙白還有琥珀黃，這些色彩繁多的交趾陶可以說是摘星山莊非常重要也十分厲害的藝術品；我看到感覺非常歡喜，我們臺灣有這樣傳統華麗的建築物，可以說是老百姓的好福氣。
我在約五點的時候離開摘星山莊，當時金黃色的夕陽照耀著整座莊園，優美的景色讓我的心情相當愉快，實在捨不得和它道別離。
臺灣有非常多的傳統建築，我誠心誠意盼望所有的人都要好好保護這些古蹟，給後代的子孫有機會欣賞這些具有歷史價值的文化資產。
